İngilis dilində heyvan adları eyni cür yaranmayıb. Onlardan bəziləri artıq başqa dillərdə mövcud idi. Digərləri isə heyvanı xarakterizə edən söz birləşmələrindən düzəldilib. Sizi bəzi heyvan adlarının necə yaranması ilə tanış etmək istəyirik.
Hipopotam adı “hipos” (at) və “potamos” (çay) sözlərindən yaranıb yunan dilindən tərcümədə çay ayğırı mənasını verir. Kərgədan isə “Rinos” (burun), “keras” (buynuz) sözlərindən əmələ gələrək “rhinoceros” kimi ifadə olunub. Doğrudan da kərgədanın buynuzu burnunda yerləşir. Leopard adı isə latın dilində xallı şir mənasını verən “leopardus” sözündən götürülüb. Şirin adı isə öz növbəsində latın sözü olan “leon” kəlməsindən əmələ gəlib. Dəvə ərəb dilində “qamel” sözündən götürülüb və latın dilinə “kamelos” kimi keçib.
Canavar (“wolf”) sözü latıncada “vulpes” kimi işlədilir və təəccüblü olsa da, tülkü mənasını verir. Tülkü (“fox”) isə island dilində “faks” – tüklü boyun deməkdir.
Öküz (“bull”) “belkan” – böyürmək, maral (“deer”) “deor” – vəhşi heyvan mənalarını verir və hər ikisi qədim ingilis dilindən götürülüb.
Oxlu kirpi («porcupine») iki latın sözünün: - “porkus” – donuz və “spina” – tikan sözlərinin birləşməsindən yaranıb.
Pişiyin («puss») müasir adının kökü isə Misirdən gəlir. Gecə ov etdiyinə görə misirlilər pişiyi Ay mənasını verən “paşt” adlandırırdılar. Daha sonra bu ad “pas” kəlməsinə qədər qısaldılıb və müasir formasını alıb. Bizim də yaxşı tanıdığımız it cinsi olan “pudel” almanca nohur deməkdir. Bu ad ona suda yaxşı ov etdiyinə görə verilib. İt (dog) sözünə gəldikdə isə, o, island dilindəki “doqqr” sözünün qısaldılmış formasıdır.
Biz yalnız bəzi heyvanların adları ilə tanış olduq və gördük ki, heyvan adları müxtəlif üsullarla yaranıb.
.jpg)